السلام عليكم ورحمة الله وبركاته
كثير تجيني اسئلة
تكون محتواها : " أنا وزني 55 و طولي 160 كذا حلو ؟ "
لكثرة الأسئلة بنفس المحتوى عرفت ان في كثير ناس جاهله بشيء إسمه جينات و دهون
طبعا أتكلم باللي يكون وزنهم مناسب لطولهم مو زايد .. فاللي اوزانهم عاليه الوزن بالنسبة لحالتهم مهم
>
الدهون أو العضل ؟
يختلف شكل الجسم حتى لو كان نفس الطول والوزن ليه؟ لأن مثلا لو عندنا مثال " أ و ب "
أ وزنها 55 و طولها 160 و نسبة دهونها 18%
و ب : وزنها 55 و طولها 160 ونسبه دهونها 25%
هنا يكون الجسم مختلف مع ان عندهم نفس الطول و الوزن !!
هنا يبين لنا ان الدهون يلعب دور مهم في تشكيل الجسم >
نشوف هنا , 6 نساء لهم نفس الوزن .. و طبعا الطول يختلف لكن في شي مهم غير الطول لعب ب حجم الجسم
اللي هو نسبة الدهون
لاحظوا اللي ع اليسار السمراء و اللي ع يمينها كلهم تقريبا نفس الطول بس السمراء أنحف
..
طيب يعني يا شهد الحين الوزن و الطول ما له اهميه بس نهتم بالدهون؟
يختلف .. إذا كان وزنك زايد عن المعدل الطبيعي لابد تهتمين بالميزان
اما إذا كان وزنك حول المعدل الطبيعي , او قريب للمثالي او مثالي هنا نترك الميزان ونهتم بالدهون
طيب ايش الدهون تسوي بأجسامنا يعني وش تسوي الدهون بشكل الجسم ؟
الصوره هنا توضح كل شي, كل ما قلت نسبة الدهون كل ما طلع الجسم انحف
> في مدربه بالانستقرام تقول : كان وزني 71 و ظل وزني 71 بس اللي اختلف نسبه دهوني و مقاساتي بالملابس
مثلا بالصوره لما كان وزنها 71 كان نسبة الدهون عندها 45% فبالتالي مقاسها كان xxl
ولما ظل وزنها 71 بس نسبة دهونها صارت 15% مقاسها تغير و صار s
هذا بالضبط اللي يلعبه الدهون بشكل إجسامنا الخارجي
..
طيب لمّا إحنا قربنا للمثالي نلاحظ ان الوزن ثابت او أحيانا يزيد لكن شكل الجسم يصغر أكثر
وش السبب؟ السبب إن كُل ما فقدنا دهون تجي مكانها عضله فبالتالي يكون الوزن ثابت او ينزل نزول بطيء
طيب في ناس بيقولون وش استفدنا يعني جا مكان الدهون عضل والوزن ثابت
لا أكبر غلط انك تعتبر الدهون نفس العضل , في فرق بالشكل + الحجم + الفائده
هنا الصور تبيّن لنا الفرق بالشكل + الحجم > لو نلاحظ نفس الوزن لكن الدهون حجمها كبير عكس العضله
اللي ع اليمين عضله و اللي ع اليسار دهون , غير الوزن ترى بالشكل يفرق كثير!
العضل يكون متناسق و يبين الجسم إنه مشدود عكس الدهون تطلع الجسم شكل بشع
طيب تكلمنا ع الشكل والحجم بقى الفائده .. وش فايده العضل؟
العضل اعتبرها زي الفرن بالجسم, كيف فرن؟ يعني هي اللي تحرق الدهون بشكل دائم
يعني زود على ان حجمها صغير و شكلها جميل لها فائده عظيمه سبحان الله !
فالمدربين دائماً يحرصون يزيدون كمية العضل ويقللون كمية الدهون للمحافظه على اجسامهم
..
البنات اللي يخافون من كلمة عضل و اثقال ع اساس ان اجسامهم بتكون ضخمه زي هالصوره
أحب اقولكم عشان توصلون ربع جسم الضخم هذا يبيلك هرمونات وسنوات وجهد عالي
فلا تحسبون بسهوله بتصيرون ضخمات هذا يبيله شغل و وقت ..
فلما احد يقولك اذا شلتي اثقال بتكونين ضخمه تجاهلي كلامهم الجاهل
+ انبسطي في كميه عضلاتك اللي بجسمك + انبسطي و إنتي تشيلين أثقال
-
خطأ يقع فيه الكثير اللي هو عدم الموازنة بين الكارديو و المقاومه و الأكل
و نتيجة هالخطأ مثل هالصوره اللي ع اليمين
ملاحظه : الكارديو هو التمارين الهوائية ( مشي - هروله - جري - سباحه )
المقاومة هو التمارين باستخدام ثقل الجسم او الاثقال لشد الجسم
ملاحظه : الكارديو هو التمارين الهوائية ( مشي - هروله - جري - سباحه )
المقاومة هو التمارين باستخدام ثقل الجسم او الاثقال لشد الجسم
صح إحنا هدفنا نقلل الدهون بس مو نمحي العضلات لا ! وهذي نتيجه اللي يلعب كارديو و يحرم نفسه من أكل الكارب و البروتين جسم نحيف هزيل عكس اللي ع اليسار جسم رشيق ومعضل وجميل
لابد من الموازنه بين الكارديو والمقاومه
إذا كانت نسبة دهونك + وزنك عالي يكون جدولك بالتمارين كالتالي :
ساعه كارديو + نصف ساعه مقاومه > او أكثر المهم الكارديو اكثر من المقاومه
أما اذا كان نسبة دهونك قليلة ما بقى شي لابد توزن بين الأثنين والأفضل تزيد المقاومه وتدخل الحديد
طيب بالنسبه للتغذيه البروتين والكارب مهم في بناء العضلات فإهتموا بتغذيتكم قبل كل شي
>>
اخر نقطه مهمه اللي هي توزيع الدهون
مثلا عندنا " أ و ب " لهم نفس الطول والوزن و نسبة الدهون
لكن شكل الجسم يختلف مع ان نفس كل شي ليش؟
لأن الدهون تختلف توزيعاتها من جسم لأخر مثل هالصوره
زي جسم الكمثرى مثلاً الدهون متوزعه أكثر شي بالجزء السفلي
عكس جسم التفاحه تتوزع الدهون عندهم بالجزء الاعلى مثل الأذرع والصدر والظهر
وهذا يلعب دور مهم أيضاً بتشكيل الجسم ..
ومستحيل نقدر نتحكم بتوزيع الدهون لان هذا من الجينات
وبس
ومستحيل نقدر نتحكم بتوزيع الدهون لان هذا من الجينات
وبس