موضوع شامل للمبتدئين

السلام عليكم ورحمة الله وبركاته

المبتدئين اكيد ماعندكم الطرق الصح لانك توصل لهدفك ولا عندك المعلومات الكافيه او عندك تساؤلات و الخ

واكيد بعض الاشاعات الخاطئة

سويت موضوع مخصص لكم

حاولت احط كل شي يفيدكم يالمبتدئين وان شاء الله تستفيدون



فيه اربع نقاط مهمه متعلقه ببعض
1* النوم بقدر كافي
8 - 7 ساعات ليلاً ..
2* شرب الماء بكثره
تختلف الكميه من جسم لجسم حملوا برنامج drink water و هو يحسب لكم كم تحتاجون يومياً ويذكركم بشرب الماء
الماء مفيد من ناحيه رفع الإيض > الإيض هو المسؤول عن حرق الدهون :)

3* الرياضة
الرياضة عباره عن ثلاث انواع :
1- رياضة قلبيه و بالانجليزي كارديو
هي اللي تخفف الوزن بس ما تشد الجسم
منها : المشي - الهروله - الجري - كرة السلة - الرقص - واكثر
2- رياضة عضليه ( مقاومه )
هي شغلتها تشد الوزن بس اما باستخدام ثقل الجسم او بالاثقال
منها برامج كثيره باليوتيوب ومقاطع ايضاً
3- مرونه وتوازن
شغلتها تزيد مرونه الجسم وتريح العضلات
منها : الستريتش - اليوقا
بكذا الشخص اللي يبي ينزل وزنه هذا جدوله
* تحميه > كارديو > تمارين عضليه > تبريد
اللي يبي يسمن ( يزيد عضل )
* تحميه > تمارين عضليه > تبريد
فيه برامج جميله تنفع للمبتدئين وتكون جامعه بين كارديو و تمارين عضليه و ترفع اللياقه وتكسبك مرونه
تكلمت عنه بمدونتي طلوا عليه :
http://shahad-diet.blogspot.com/2014/08/blog-post_18.html?m=1

4* التغذيه الصحيه الصحيحه



















4* التغذية
لابد من ان تغذيتك تكون كامله و تناسب احتياجك
غلط تحذف وجبه او تجمع وجبات بهدف انك تنحف اكبر غلط
كونك تحذف وجبات انت تحرم نفسك واذا حرمت نفسك تكون ما اديت حاجتك اليوميه من السعرات وبكذا جسمك يوقف يحرق
كيف اقسم وجباتي؟
الوجبات 5 > 3 منها وجبه رئيسية > 2 منها وجبه خفيفه
الوجبه الرئيسية لابد تكون متكامله العناصر.. كيف؟
يعني يكون في صحنك بروتين و كارب و الياف ودهون بتقسيم متساوي .. > ربع بروتين > ربع كارب > والنص الباقي تكون الياف ودهون صحيه .. طيب ليه؟ بروتين عشان عضل و كارب عشان طاقه والالياف عشان رفع الإيض و الدهون لتأديه وظائف جسمك
تلاقون وصفات كثيره صحيه في الانستقرام
Instagram : Fit_shahd
وجبه خفيفه " سناك " > فاكهه قهوه تمر و فيه خيارات كثيره ع هذا الهاشتاق #سناك فقط
طيب بعضكم بيقول 5 وجبات كثيره وتسمن ومعرف ايش
اولا ممكن تزيد الوزن اذا كانت كمياتك كثيره انتبه لكمياتك ثانيا هي مو كثيره هي تسد احتياجك اليومي وبنفس الوقت قاعده ترفع الايض يعني اذا انت اكلك صحي وصحيح و كمياته مناسبه مستحيل تسمن بالعكس انت قاعد تحرق دهون بأكلك و اهم شي انها ما تشعرك بالحرمان والجوع وهذا اللي يضمن الاستمراريه للدايت
طبعا لازم تاخذ بيوم من الأيام من كل اسبوع " وجبه مفتوحه " وليست يوم مفتوح ليه؟
لصدم الجسم عشان ما يتعود الجسم ع اكلك ويوقف حرق
..
اختار غذائك الصحي بنفسك :
الحياة الصحية مو حرمان فيه تشوكلت وفيه تشيبس وفيه اشياء لذيذه تناسب الدايت تلاقونها بقسم الدايت بس طبعا مو كلها تنفع للدايت فيه بعضها ما تنفع
لازم انتم تروحون وتقيمون القيمة الغذائية للمنتج بنفسكم
طيب كيف؟
كل شي مشروح و مكتوب في الهاشتاق
#تعلم_الملصق_الغذائي على التويتر
بيفيدكم جداً .. اول الايام بتكون صعبه بس بعدين بتتعودون
و عشان تتنوعون في الاكل وما تملون
..
ايش تحتاج لما تتمرن؟
حذاء رياضية عاليه مهم مهم جدا لا تتمرن بدونها ولا رح يأثر ع ركبك و ع عمل تمارينك
مواصفات الحذاء الله يكرمكم :
حذاء للجري - عالي - واسع مو ماسك - الوانها تفتح النفس
النساء : سبورت برا - سروال رياضي  ستريتش" شورت "
الرجال : شورت رياضي الستريتش " مهم '
- اثقال  > اذا منت حاب الاوزان تقدر تستبدلها بحبل المقاومه المطاط
* البنات لا تخافون من الاوزان لو ايش ماسويتي مارح تطلعلك عضلات بالعكس بتخلي جسمك انثوي وبتزيد الحرق
- ملابس رياضيه تقدر تاخذ راحتك فيه ومايكون ضيق
- حبل نط حسب الرغبه
- فرشه * مات * احرصوا انها تكون ثقيله وقصيره افضل لكم
..
خلصت من النصائح الرياضيه والتغذيه بتكلم عن نقطه مهمه
حاول قد ماتقدر ان يكون الدايت بينك وبين نفسك والقريب منك بمعنى ان مش ضروري الكل يعرف انك تعمل دايت
ليه؟
لان للاسف فيه ناس هوايتها التحطيم و بعضهم ما يحسون بنفسهم بس يحطمونك لو يمر اسبوع بيقولون مافيه تغيير  * لو ايش ماسويت مرح تنحف * لو نحفت بترجع اكثر * طريقتك غلط الخ.. 
ف من البدايه لا تعلم احد وان صار لك موقف معهم خلك عادي تفادياً للإحراج و التحطيم .. ومهما قالولك دخلها من اذنك وطلعها من اذنك الثانيه ابداً لا تستسلم لهم .. سلك لهم وبس
ونصيحتي والله بتفيدكم
اذا انحطيت بموقف الزامي من الاهل او الخ كل ملعقه ملعقتين مجامله لهم وتفادياً للاحراج اللي الغالبيه يسوونها
لا تلتفت للمحبطين كمل طريقك و ورهم بكرا انت ايش سويت !
..
اخلق لك جو صحي
يعني اعمل لك اكاونت بالتويتر وشجع الناس عشان يشجعونك
اعمل لك حساب بالانستقرام فيد غيرك ويفيدونك
احفظ صور اكلات صحيه .. حاول تكوّن علاقات مع ناس صحيه
اذا كنت جالس بجتمع صحي غصب بتتحفز ومستحيل تترك الحياة الصحية لو ايش 👍
..
لا تستسلم اذا خبصت
كلنا نخبص وكلنا نخربها بس ما نوقف
الحياة ما توقف عشان تخبيصه او تخبيصتين
الايام طويله وجايه ورانا الآيام و بنحرق اللي خبصناه
انسى و كمل بكرا و لا كأنك خبصت و انتبه تعاقب نفسك غلط والله .. العقاب ما يفيدك بالعكس بتعاند نفسك
..
بالدوام خذ وجبتك معك ولا تخجل ابداً كُن فخور بأنك قاعد تحمي صحتك ! صدقني بتأثر ع اللي حولك
انا جبت وجبتي الصحيه بالدوام عباره عن فواكه
جتني ردود من جدك واللي يضحك واللي يقول ريحة الفواكه شينه و اللي يشجع طنشتهم ومع الايام تعودوا علي ومع الايام صاروا بعض الاحيان يجيبون وجباتهم الصحيه
شي حلو اثرت اللي بحولي مع اني ماسويت شي!
..
وبس بالتوفيق لكم وبدايه جميلة باذن الله

للاشتراك بالبرنامج التدريب الشخصيهنا